Fótbolti

San Marínó vann sinn fyrsta leik í tuttugu ár

Óskar Ófeigur Jónsson skrifar
Dante Rossi hjá San Marínó í baráttunni í kvöld við Ferhat Saglam hjá Liechtenstein. Rossi fögnuðu gríðarlega í leikslok.
Dante Rossi hjá San Marínó í baráttunni í kvöld við Ferhat Saglam hjá Liechtenstein. Rossi fögnuðu gríðarlega í leikslok. Getty/Giuseppe Maffia

Það var mikil gleði hjá San Marínó í kvöld þegar fótboltalandslið þjóðarinnar vann afar langþráðan sigur.

San Marínó vann þá 1-0 sigur á Liechtenstein í D-deild Þjóðadeildarinnar.

San Marínó hafði ekki unnið landsleik í tuttugu ár eða síðan þeir unnu 1-0 á móti einmitt Liechtenstein í apríl 2004.

Nicko Sensoli var hetja kvöldsins því hann skoraði eina mark leiksins á 53. mínútu.

Liechtenstein kom boltanum í markið í fyrri hálfleik en myndbandsdómarar dæmdu það af vegna rangstöðu.

San Marinó lék 140 leiki í röð án þess að vinna. Liðið skoraði aðeins 22 mörk í þessum leikjum.

Fimm af leikmönnum liðsins í kvöld voru ekki fæddir þegar landsliðið fagnaði síðast sigri.

Þjóðadeild karla í fótbolta San Marínó

Mest lesið


Fleiri fréttir

Sjá meira


×

Mest lesið