Heildar­eignir ein­stak­linga jukust um rúm fimm prósent á síðasta ári

Þetta kemur fram á vef Hagstofunnar. Þar segir að hlutur fasteigna í heildareignum hafi talið 9.659 milljarða króna og hækkað að nafnverði um 15,5 prósent á milli ára.

Eignir teljast sem allar eignir fjölskyldu, þar með talið fasteignir, ökutæki, innistæður í bönkum og verðbréf. Verðmæti fasteigna miðast við fasteignamat og hlutabréf eru á nafnvirði.

„Heildarskuldir töldu 3.150 milljarða króna árið 2023 en árið 2022 voru skuldir 2.980 milljarðar króna. Er þetta aukning um 5,7% en raunlækkun um 2,8% sé verðlagsleiðrétt.

Meðaltal eigna var 48,4 milljónir króna á framteljanda og miðgildi 9,9 milljónir á meðan meðalskuldir töldu 12,4 milljónir króna og miðgildi var 600 þúsund krónur. Eigið fé jókst úr 7.748 milljörðum árið 2022 í 9.134 milljarða árið 2023 en aukning skýrist á aukinni hækkun eigna umfram skulda,“ segir á vef Hagstofunnar.