Innlent

Birgir mættur á fund for­seta Ís­lands

Elín Margrét Böðvarsdóttir og Heimir Már Pétursson skrifa
Birgir Ármannson forseti Alþingis mætti á fund Höllu Tómasdóttur forseta Íslands í morgun.
Birgir Ármannson forseti Alþingis mætti á fund Höllu Tómasdóttur forseta Íslands í morgun. Vísir/Heimir

Birgir Ármannsson forseti Alþingis gekk á fund Höllu Tómasdóttur forseta Íslands nú klukkan níu í morgun til að ræða við hana stöðu mála. Í framhaldinu má búast við að Bjarni Benediktsson forsætisráðherra gangi á fund forseta Íslands og biðjist lausnar fyrir sig og ráðuneyti sitt.

Enginn þingfundur verður í dag líkt og til stóð.

„Við bara sjáum hvað atburðir dagsins bera í skauti sér. Ég ætla bara að eiga samatalið við forsetann og svo sjáum við til,“ sagði Birgir á leið sinni inn á fund forseta. „Það hafa nú komið upp alls konar atvik í áður í stjórnmálum en við leysum úr því með einhverjum hætti.“

Svo mörg voru þau orð forseta þingsins í samtali við fjölmiðla á leið hans á fund forseta Íslands á skrifstofu embættisins í Reykjavík. 

Forseti Íslands Alþingi Alþingiskosningar 2024 Halla Tómasdóttir

Mest lesið


Fleiri fréttir

Sjá meira


×

Mest lesið