Innlent

Leik­skóla lokað vegna E.coli sýkingar

Sólrún Dögg Jósefsdóttir skrifar
Leikskólinn Mánagarður stendur við Eggertsgötu í Vesturbæ Reykjavíkur.
Leikskólinn Mánagarður stendur við Eggertsgötu í Vesturbæ Reykjavíkur. Vísir/Vilhelm

Leikskólanum Mánagarði í Reykjavík hefur verið lokað samkvæmt tilmælum sóttvarnarlæknis vegna alvarlegrar E.coli sýkingar. Þetta herma heimildir fréttastofu. 

Foreldrum var tilkynnt um lokunina símleiðis í kvöld. Ekki liggur fyrir hve lengi lokunin mun standa yfir. 

Leikskólinn Mánagarður er staðsettur við Eggertsgötu í Vesturbæ Reykjavíkur og er rekinn af Félagsstofnun stúdenta.

Ekki náðist í Guðrúnu Aspelund sóttvarnarlækni eða Soffíu Emelíu Bragadóttur leikskólastjóra Mánagarðs við gerð fréttarinnar. 

Fréttin hefur verið uppfærð. Í fyrri útgáfu sagði að sóttvarnarlæknir hefði látið loka leikskólanum en rétt er að honum var lokað samkvæmt tilmælum sóttvarnarlæknis. 

Leikskólar Heilbrigðismál Reykjavík E. coli-sýking á Mánagarði Heilbrigðiseftirlit

Mest lesið


Fleiri fréttir

Sjá meira


×

Mest lesið