Máttu ekki selja eldaðan mat

Þetta segir Unnar Már Ástþórsson aðalvarðstjóri lögreglunnar á höfuðborgarsvæðinu í samtali við Vísi. 

Samkvæmt tilkynningu var staðnum lokað strax við hefðbundið eftirlit lögreglunnar. Leyfi þrjátíu staða voru könnuð þar sem langflest voru á sínum stað. 

„Athugasemdum og ábendingum vegna nokkurra þátta hjá tilteknum matsölustöðum var þó komið á framfæri við heilbrigðiseftirlit og/eða eldvarnareftirlit,“ segir í tilkynningu. 

Eftirlitið snýr einnig að skemmtistöðum.

„Þá er m.a. kannað hvort dyraverðir staðanna sé með leyfi til að starfa sem slíkir en á því er nokkur misbrestur eins og heimsóknir lögreglunnar hafa sýnt. Sérstaklega er líka kannað með aldur gesta á skemmtistöðum, en reglulega þarf að vísa á dyr ungu fólki sem hefur ekki aldur til að vera á vínveitingahúsum. Svo var einnig núna, en lögreglumenn höfðu þó á orði að ástandið í þeim efnum hefði verið með skárra móti að þessu sinni,“ segir í lok tilkynningar og að eftirlitinu verði haldið áfram.