For­setar mættu á til­finninga­ríka stund með Grind­víkingum

Í þáttunum er íbúum Grindavíkur fylgt eftir í heilt ár eftir að hörmulegar náttúruhamfarir leiða til þess að bæjarbúum er gert að flýja heimili sín. Körfuboltalið Grindavíkur varð að sameiningartákni bæjarins og leikir liðsins um leið að samverustund fyrir Grindvíkinga.

Stiklu þáttanna má sjá að neðan.

Þættirnir taka á upplifun Grindvíkinga a þessu erfiða ári i gegnum körfuboltalið bæjarins. Grindavík er ekki eingöngu íþróttaþættir, heldur þættir um fólk sem þarf að takast á við þá erfiðu aðstæður að verða flóttamaður í eigin landi og meinað að leita aftur til sinna uppeldisstöðva.

Tilfinningarnar voru miklar þegar Grindvíkingar, aðstandendur og framleiðendur þáttanna komu saman í Smárabíó í gær og sáu afrakstur þeirrar gífurlegu vinnu sem lögð var í þættina og tár á hvarmi víða, enda fólk að rifja upp erfiða tíma. 

Eiríkur Stefán Ásgeirsson forstöðumaður Stöðvar 2 Sports, Garðar Örn Arnarson leikstjóri og Ingibergur Jónasson formaður körfuknattleiksdeildar Grindavíkur ávörpuðu gesti fyrir sýningu. Meðal þeirra sem mættu voru Halla Tómasdóttir forseti Íslands og Guðni Th. Jóhannesson fyrrverandi forseti.