Handbolti

Endaði með fjöru­tíu prósent mark­vörslu á HM

Ingvi Þór Sæmundsson skrifar
Viktor Gísli Hallgrímsson var valinn maður leiksins gegn Argentínu.
Viktor Gísli Hallgrímsson var valinn maður leiksins gegn Argentínu. vísir/vilhelm

Aðeins þrír markverðir á heimsmeistaramótinu í handbolta karla eru með betri hlutfallsmarkvörslu en Viktor Gísli Hallgrímsson. Hann varði fjörutíu prósent þeirra skota sem hann fékk á sig á HM.

Viktor lék einkar vel með íslenska landsliðinu sem endaði í 9. sæti á HM. Hann var til að mynda efstur í einkunnagjöf Vísis með 4,67 að meðaltali í þeim sex leikjum sem Ísland spilaði.

Samkvæmt opinberri tölfræði mótsins varði Viktor 67 af þeim 167 skotum sem hann fékk á sig á HM. Það gerir fjörutíu prósent markvörslu.

Einungis þrír markverðir eru með hærri hlutfallsmarkvörslu. Það eru Daninn Emil Nielsen (44 prósent), Frakkinn Samir Bellahcene (43 prósent) og Króatinn Dominik Kuzmanovic (43 prósent). Bellahcene lék reyndar aðeins fyrstu tvo leiki franska liðsins á mótinu, áður en hann meiddist.

Tveir aðrir markverðir eru með jafn góða hlutfallsmarkvörslu og Viktor; Brassinn Rangel da Rosa og Norðmaðurinn Torbjørn Bergerud.

Besta hlutfallsmarkvarslan á HM

  1. Emil Nielsen (Danmörk) - 44%
  2. Samir Bellahcene (Frakkland) - 43%
  3. Dominik Kuzmanovic (Króatía) - 43%
  4. Viktor Gísli Hallgrímsson (Ísland) - 40%
  5. Rangel da Rosa (Brasilía) - 40%
  6. Torbjørn Bergerud (Noregur) - 40%
  7. David Späth (Þýskaland) - 39%
  8. Marcel Jastrzebski (Pólland) - 38%
  9. Andreas Wolff (Þýskaland) - 36%
  10. Urban Lesjak (Slóvenía) - 36%

Viktor, sem verður 25 ára á árinu, var að ljúka sínu sjötta stórmóti með íslenska landsliðinu. Hann var valinn í úrvalslið EM fyrir þremur árum.

HM karla í handbolta 2025 Landslið karla í handbolta

Tengdar fréttir

Mynda­syrpa frá súrsæta sigrinum á Argentínu

Ísland lagði Argentínu fyrr í dag í síðasta leik sínum í milliriðli HM karla í handbolta. Vel var mætt á leikinn þrátt fyrir vonbrigðin gegn Króatíu í síðasta leik.

Skýrsla Henrys: Endurtekið efni enn eitt árið

Ísland er úr leik á HM. Markmiðið að komast í átta liða úrslit náðist ekki. Enn eitt stórmótið ná strákarnir okkar ekki að komast áfram í hóp þeirra bestu. Þeir spóla sem fyrr í sama farinu og komast ekki upp úr leðjunni.

Fyrirliðinn leyfir sér ekki að vona: „Ég held að við séum bara búnir“

„Ég er ennþá drullufúll út af stöðunni sem við erum í. Hann er búinn að sitja í okkur, þessi Króataleikur, við sýndum það klárlega fyrstu fimmtán, tuttugu mínúturnar en Snorri tók leikhlé og sparkaði aðeins í rassgatið á okkur. Það virkaði fínt,“ sagði landsliðsfyrirliðinn Aron Pálmarsson eftir sigurinn gegn Argentínu.

Eina tapið svíður enn: „Við vorum „outcoachaðir“ á öllum sviðum“

„Við þurfum bara að bíða og ef eitthvað skyldi gerast þá látum við það koma okkur skemmtilega á óvart. Við ætlum ekki að láta þetta skemma kvöldið fyrir okkur. Mögulega er þetta síðasta kvöldið okkar saman og við ætlum bara að njóta þess,“ segir Gísli Þorgeir Kristjánsson, landsliðsmaður í handbolta, eftir mögulega síðasta leik Íslands á HM.

Umfjöllun: Ísland - Argentína 30-21 | Strákarnir okkar lifa í voninni

Strákarnir okkar gerðu sitt í dag með því að vinna Argentínu í lokaleik sínum í milliriðlakeppni HM í handbolta. Nú þurfa þeir að treysta á hjálp frá Grænhöfðaeyjum eða Slóveníu til að komast áfram í 8-liða úrslit, en það er ljóst að þeir enda í versta falli í 9. sæti mótsins.

Snorri ekki viss um að hann horfi í kvöld

„Einhvers staðar hef ég smá trú, en hafandi spilað við Króatana á þeirra heimavelli þá held ég að líkurnar séu ekki okkur í hag,“ segir Snorri Steinn Guðjónsson landsliðsþjálfari, nú þegar biðin er hafin eftir því að vita hver örlög Íslands verða á HM í handbolta.

Ísland í hóp tíu bestu í fyrsta sinn í langan tíma

Ef Ísland vinnur Argentínu í dag eins og fastlega má gera ráð fyrir, á HM karla í handbolta, er öruggt að liðið endar í versta falli í 9. sæti mótsins. Það yrði besti árangur liðsins á HM síðan á bestu árum í sögu þess, eða árið 2011.

Mest lesið


Fleiri fréttir

Sjá meira


×

Mest lesið