Birgir hættir hjá Skaga

Þetta kemur fram í tilkynningu til Kauphallar. Þar segir að hann hyggist hefja störf sem meðeigandi (e. partner) á ráðgjafasviði KPMG á Íslandi og Norðurlöndunum. 

Birgir mun starfa hjá Skaga út apríl næstkomandi og verður í framhaldinu félaginu innan handar í nýju hlutverki.

Áður hefur Birgir meðal annars gegnt stöðu framkvæmdastjóra áhættustýringar (e. Chief Risk Officer) í PayPal Europe og yfirmanns lausafjárgreiningar í PayPal samstæðunni. Birgir starfaði einnig sem yfirmaður markaðsáhættugreiningar (e. Head of Market Risk Analytics) á fjárfestingasviði alþjóðlega tryggingafélagsins Zurich.

Birgir er með doktorspróf í kennilegri og hagnýtri aflfræði frá Cornell háskólanum í Bandaríkjunum. Hann er jafnframt með próf í verðbréfaviðskiptum.