Innlent

Jóhann Páll gengur í stað Ölmu

Kjartan Kjartansson skrifar
Alma Möller hefur sagt sig frá málum sem varða landlæknisembættið sem hún gegndi áður. Jóhann Páll verður staðgengill hennar.
Alma Möller hefur sagt sig frá málum sem varða landlæknisembættið sem hún gegndi áður. Jóhann Páll verður staðgengill hennar. Vísir/Vilhelm

Ákveðið hefur verið að Jóhann Páll Jóhannsson, umhverfis-, orku- og loftslagsráðherra, verði staðgengill Ölmu Möller, heilbrigðisráðherra, í málum sem varða fyrri störf hennar sem landlæknir.

Alma var landlæknir frá 2018 þar til að hún var kjörin til Alþingis og skipuð heilbrigðisráðherra í ríkisstjórn Samfylkingar, Viðreisnar og Flokks fólksins. Hún hefur vikið sæti í málum sem eru til meðferðar í heilbrigðisráðunyetinu og tengjast embætti landlæknis þar sem hún tók þátt í meðferð þeirra á fyrri stigum.

Á ríkisstjórnarfundi í morgun var Jóhann Páll því settur staðgengill heilbrigðisráðherra í þessum málum og við skipun í embætti nýs landlæknis, að því er kemur fram í skriflegu svari forsætisráðuneytisins við fyrirspurn Vísis.

Embætti landlæknis var auglýst til umsóknar um miðjan desember og sækjast fimm eftir því.

Ríkisstjórn Kristrúnar Frostadóttur Heilbrigðismál Stjórnsýsla Samfylkingin

Mest lesið


Fleiri fréttir

Sjá meira


×

Mest lesið