Viðskipti innlent

Sam­eina úti­bú TM og Lands­bankans

Atli Ísleifsson skrifar
Sameiginlegt útibú Landsbankans og TM í Reykjanesbæ verður við Krossmóa 4a.
Sameiginlegt útibú Landsbankans og TM í Reykjanesbæ verður við Krossmóa 4a. KSK eignir

Útibú TM og Landsbankans á Akureyri, Reykjanesbæ og í Vestmannaeyjum munu sameinast á mánudaginn næsta.

Frá þessu segir í tilkynningu á vef Landsbankans. Þar kemur fram að viðskiptavinir geti sótt sér banka- og tryggingaþjónustu á einum og sama staðnum.

Kvika banki og Landsbankinn gengu frá kaupum Landsbankans á 100 prósentum hlutafjár TM trygginga hf. Í lok síðasta mánaðar. Afhending á tryggingafélaginu fór fram samhliða því og greiddi Landsbankinn Kviku banka umsamið kaupverð við afhendingu. Með kaupverðsaðlögun nemur verðið 32,3 milljörðum króna en gæti enn tekið breytingum.

Í tilkynningunni frá Landsbankanum segir að í sameinuðum útibúum vinni starfsfólk TM og Landsbankans hlið við hlið.

„Útibúin eru opin frá klukkan 10 til 16 alla virka daga.

  • Útibú Landsbankans og TM á Akureyri er við Hofsbót 2.
  • Útibú Landsbankans og TM í Reykjanesbæ er við Krossmóa 4a.
  • Útibú Landsbankans og TM í Vestmannaeyjum er við Bárustíg 15.

Þá er gert ráð fyrir að í maí flytji höfuðstöðvar TM úr Höfðatorgi í Hafnartorg í miðbæ Reykjavíkur og mun starfsfólkið nýta mötuneyti og ýmsa sameiginlega aðstöðu í Reykjastræti 6 með starfsfólki Landsbankans,“ segir í tilkynningunni.

Landsbankinn Tryggingar Kaup Landsbankans á TM Vestmannaeyjar Akureyri Reykjanesbær

Tengdar fréttir

Kaupin á TM gengin í gegn fyrir ríflega þrjátíu milljarða króna

Kvika banki og Landsbankinn gengu í dag frá kaupum Landsbankans á 100 prósentum hlutafjár TM trygginga hf. Afhending á tryggingafélaginu fór fram samhliða því og greiddi Landsbankinn Kviku banka umsamið kaupverð við afhendingu. Með kaupverðsaðlögun nemur verðið 32,3 milljörðum króna en gæti enn tekið breytingum.



Mest lesið


Fleiri fréttir

Sjá meira


×

Mest lesið