Handbolti

Grótta vann gríðarmikilvægan sigur gegn Stjörnunni

Ágúst Orri Arnarson skrifar
Katrín Helga Sigurbergsdóttir gaf sex stoðsendingar, flestar allra.
Katrín Helga Sigurbergsdóttir gaf sex stoðsendingar, flestar allra. vísir / hulda margrét

Grótta vann öruggan níu marka sigur, 30-21, gegn Stjörnunni í nítjándu umferð Olís deildar kvenna. Þetta var þriðji sigur Gróttu á tímabilinu og gefur liðinu betri möguleika á að halda sér uppi í úrvalsdeildinni.

Grótta er enn í neðsta sæti en nú aðeins einu stigi á eftir ÍBV, sem á leik til góða, og tveimur stigum á eftir Stjörnunni. ÍBV spilar heima gegn Selfossi á morgun og þá jafnast leikjafjöldinn.

Tvær umferðir eru síðan eftir af Olís deildinni. Grótta á erfitt verkefni gegn Val í næstu umferð og mætir síðan ÍR í lokaumferðinni.

Í sigri kvöldsins gegn Stjörnunni var Ída Margrét Stefánsdóttir markahæst með átta mörk, auk þriggja stoðsendinga. Karlotta Óskarsdóttir fylgdi henni eftir með sex mörk og fimm stoðsendingar.

Olís-deild kvenna Grótta Stjarnan

Mest lesið


Fleiri fréttir

Sjá meira


×

Mest lesið