Innlent

Hinn látni er­lendur ríkis­borgari á þrítugs­aldri

Jón Ísak Ragnarsson skrifar
Þyrla Landhelgisgæslunnar við leit í gærkvöldi.
Þyrla Landhelgisgæslunnar við leit í gærkvöldi. Vísir

Karlmaðurinn sem fannst látinn í sjónum út af Örfirisey eftir hádegi í dag er talinn vera sami maður og leitað hefur verið að frá því síðdegis í gær. Maðurinn var erlendur ríkisborgari á þrítugsaldri.

Frá þessu er greint í tilkynningu frá lögreglunni á höfuðborgarsvæðinu.

Tilkynnt var um hvarf mannsins, sem var í sjósundi, um hálffimmleytið í gær og hófst þegar viðamikil leit að honum með þátttöku fjölda viðbragðsaðila.

Talið er að maðurinn hafi örmagnast í sjónum við sjósundsæfingar.

Leit var hætt á tíunda tímanum í gærkvöldi en hófst á ný klukkan hálf tvö í dag, eftir að viðbragðsaðilar höfðu ráðið ráðum sínum og skipulagt framkvæmd leitarinnar.

Henni lauk þegar maðurinn fannst látinn.

Slökkvilið Lögreglumál Sjósund Björgunarsveitir Landhelgisgæslan Reykjavík

Tengdar fréttir

Telja að maðurinn sé fundinn

Viðbragðsaðilar telja að maðurinn, sem talið er að hafi örmagnast í sjónum úti fyrir Fiskislóð í Reykjavík í gær, sé fundinn. Hann var ekki með lífsmarki.

Telja manninn hafa ör­magnast við sjósundsæfingar

Leit að manni sem talið er að hafi örmagnast í sjónum úti fyrir Fiskislóð í Reykjavík verður fram haldið eftir hádegi í dag. Fjöldi viðbragðsaðila kemur að leitinni. Samkvæmt upplýsingum lögreglu var maðurinn að æfa sjósund þegar hann örmagnaðist.

Leitinni að sundmanninum lokið að sinni

Töluverður fjöldi viðbragðsaðila var kallaður út eftir að tilkynnt barst um að sundmaður væri í sjónum við Fiskislóð í Reykjavíkurborg. Ekki hefur spurst til mannsins síðan klukkan fimm síðdegis. Leitinni lauk að ganga tíu að kvöldi til og verður staðan endurmetin í fyrramálið.

Mest lesið


Fleiri fréttir

Sjá meira


×

Mest lesið