Fótbolti

Sjáðu stelpurnar sýna snilli sína á TM-mótinu í Eyjum

Sindri Sverrisson skrifar
FH-stelpur fögnuðu sigri á TM-mótinu í ár og búa sig hér undir að hefja bikarinn á loft.
FH-stelpur fögnuðu sigri á TM-mótinu í ár og búa sig hér undir að hefja bikarinn á loft. tmmotid.is

Sumarmótin halda áfram á Sýn Sport og í kvöld verður sýndur veglegur þáttur um TM-mótið sem fram fór í Vestmannaeyjum um síðustu helgi.

Á TM-mótinu kepptu stelpur úr 5. flokki hvaðanæva að af landinu og nutu þess að leika listir sínar í fallegu umhverfi og frábæru veðri.

Íþróttafréttakonan og Eyjamærin Svava Kristín Grétarsdóttir fylgdist grannt með mótinu og gerir því skil í þættinum sem sjá má á Sýn Sport klukkan 20 í kvöld. Þátturinn verður einnig aðgengilegur á Sýn+.

Stiklu fyrir þáttinn má sjá hér að neðan.

Klippa: Stikla fyrir TM-mótið

Það voru FH-stelpur sem fögnuðu sigri gegn Gróttu í úrslitaleik mótsins, 2-0 eftir framlengingu. Elísabet Una Jakobsdóttir skoraði bæði mörkin, beint úr aukaspyrnum.

Í fyrsta þætti Sumarmótanna í ár var fjallað um Lindex-mótið á Selfossi. Þáttinn má finna á Sýn+ líkt og fyrri þáttaraðir.

Sumarmótin

Mest lesið


Fleiri fréttir

Sjá meira


×

Mest lesið