Tugir missa vinnuna í sumar

„Það er bara ákaflega þungbært og svo vitum við í rauninni ekki hvað stöðvunin mun vara lengi. Þetta er náttúrulega gríðarlegt högg fyrir samfélagið allt, Húsavík og Norðurþing ekki síst en líka bara fyrir ísland, land og þjóð,“ segir Kári Marís Guðmundsson, forstjóri PCC á Bakka.

Þegar tilkynnt var um hina tímabundnu rekstrarstöðvun í maí síðastliðnum var vísað til erfiðleika á mörkuðum með kísilmálma og raskana vegna tollastríðs. Ódýr innflutningur á ríkisstyrktum kísilmálmi frá Kína skekki verulega samkepnni. Stjórnvöld hafa sett á fót nefnd sem fjallar um málefni PCC.

„Fyrst og fremst að markaðirnir batni en til þess að það gerist þá þurfa stjórnvöld bæði a íslandi og ekki síður í Evrópusambandinu að stíga inn i og koma í veg fyrir, að við teljum, þennan ólöglega innflutning frá Kína, sem er kominn til vegna gríðarlegra ríkisstyrkja þar i landi. Þetta er bara ójöfn samkeppni, við viljum bara keppa á eðlilegum forsendum við samkeppnisaðila í Evrópu og annars staðar í heminum en ekki óeðlilega samkeppni, það gengur ekki til lengdar. Þetta mun hafa áhrif á fleiri í Evrópu ef ekki verður brugðist við og stigið fast niður.“

Kæra innflutning kínverskra málma

Forsvarsmenn PCC hafa kært innflutning á ríkisstyrktum kínverskum málmi til fjármálaráðuneytisins en Kári kveðst bjartsýnn á jákvæða niðurstöðu. Þá hafi nýliðinn NATO fundur einnig verið gott innlegg.

„Fólk verður að skilja að þessi málmar sem við erum að framleiða og fleiri, þetta er bara mjög mikilvægt í stratigískum tilgangi fyrir álfuna sjálfa að geta verið sjálfbær, þannig að ég er mjög bjartsýnn á að við fáum jákvæða niðurstöðu í þessu og getum farið að keppa á eðlilegum samkeppnisgrundvelli við aðra … ég er ákaflega bjartsýnn að þetta muni fara allt saman af stað áður en langt um líður þó það sé ólíklegt að það verði fyrr en í byrjun næsta árs.“

PCC er gríðarlega mikilvægur vinnuveitandi í öllu Norðurþingi.

„Stærsti útsvarsgreiðandi á svæðinu og ákaflega stoltir af því að allir starfsmennirnir hérna eru búnir að vera hjá okkur lengi, vilja koma og starfa hjá okkur aftur og ég hef mikla trú á því að megnið af starfsmönnunum muni þreyja þorrann yfir nokkra mánuði yfir vetrartímann um leið og það er hægt.“