Fundar með þing­flokks­for­mönnum

Þórunn segir í samtali við fréttastofu að fundurinn klukkan níu sé reglulegur fundur forseta þingsins og þingflokksformanna.

Þingflokksformenn funduðu um helgina þar sem þess var freistað að ná samkomulagi um þinglok. Þórunn segir að enn hafi þó ekki náðst samkomulag í þeim efnum.

Deilur eru mestar um frumvarp ríkisstjórnarinnar um breytingar á veiðigjöldum. Síðasti þingfundur fór fram á laugardag, en þá var frumvarp um veiðigjöld ekki á dagskrá.

Sigmar Guðmundsson, þingflokksformaður Viðreisnar, segir í samtali við fréttastofu að slitnað hafi upp úr viðræðunum í nótt og að enn sé mikil óvissa uppi um þinglok. 

Fréttin hefur verið uppfærð.