Hundurinn gerði vart um mann sem stóð og starði inn

Maðurinn lét sig hverfa og fannst ekki við leit.

Frá þessu er greint í yfirliti lögreglu yfir verkefni næturinnar.

Þar segir einnig að tilkynnt hafi verið um innbrot í fyrirtæki þar sem einstaklingur virðist hafa komist inn um ólæsta hurða eða glugga og haft á brott með sér fjármuni úr peningakassa. Málið er í rannsókn.

Lögregla var einnig kölluð til vegna rúðubrots á útidyrahurð fjölbýliss í Reykjavík. Lögregla hefður ákveðna einstaklinga grunaða í málinu, sem hafa verið að koma sér fyrir í stigagöngum húsa.

Tvær tilkynningar bárust um umferðarslys. Í öðru tilvikinu missti ökumaður meðvitund þegar hann ók á skilti en rankaði við sér stuttu seinna. Í hinu var um að ræða árekstur milli tveggja bifreiða, þar sem ökumaður annarar þeirra viðurkenndi að hafa ekið of hratt miðað við aðstæður.

Önnur bifreiðin var óökufær eftir slysið.