Ölvaðir og í annar­legu á­standi

Alls voru 46 mál skráð í kerfi lögreglu á vaktinni og fjórir gistu fangageymslur í morgunsárið.

Lögreglu barst einnig tilkynning um einstakling sem virtist sofa ölvunarsvefni í stigahúsi fjölbýlishúss og þá voru höfð afskipti af einstaklingi sem var sagður hafa farið um og sparkað í bifreiðar. Viðkomandi var handtekinn en hóf að hafa í hótunum við lögreglumenn þegar á lögreglustöðina var komið og var þá vistaður þar til hægt verður að ræða við hann.

Einnig var óskað eftir aðstoð lögreglu í verslunarhúsnæði þar sem einstaklingur neitaði að fara út eftir lokun.

Tilkynnt var um innbrot í heimahús og innbrot og þjófnað í fyrirtækjum. Þá voru afskipti höfð af þremur einstaklingum sem grunaðir eru um vörslu fíkniefna.