Gary Busey dæmdur fyrir kyn­ferðis­brot

Hinn 81 árs gamli leikari mætti fyrir dómara í Camden í Nýju Jersey í gegnum fjarfundarbúnað þar sem hann var dæmdur sekur í einum ákærulið fyrir kynferðislega áreitni.

Hann játaði sök í ágúst, þegar hann sagðist hafa þuklað á rassi kvenmanns yfir fötum hennar, á meðan myndatökur stóðu yfir í tæpar tíu sekúndur.

Fleiri konur hafa sakað hann um áreitni eða óviðeigandi hegðun á hryllingssamkomunni Monster Mania Convention, sem haldin var í Fíladelfíu ríki.

Lögregluþjónar yfirheyrðu Busey á samkomunni vegna fjölmargra kvartana um óviðeigandi hegðun og til eru upptökur úr búkmyndavélum lögreglunnar sem sýna yfirheyrslurnar.

Lögfræðingur Busey sagði að heilsu hans hefði hrakað mikið á undanförnum árum vegna aldurs, og hann væri með elliglöp og skerta hreyfigetu. Þetta gæti skýrt hegðun hans á samkomunni.

Niðurstaðan varð skilorðsbundinn dómur.

Busey hefur verið tilnefndur til Óskarsverðlauna, en hann er hvað þekktastur fyrir aðalhlutverk sitt í The Buddy Holly Story, og aukahlutverk í Lethal Weapon og Predator 2.

The daily beast