Í vanda eftir að hafa sýnt löngu­töng

Baumgart var orðinn argur og pirraður á hliðarlínunni í leiknum gegn Frankfurt í gær, þrátt fyrir að Union Berlín væri yfir, og endaði á að fá rautt spjald.

Hann var sérstaklega óánægður með vítaspyrnudóminn þegar Frankfurt náði að minnka muninn í 4-3, en vítaspyrnan kom á 87. mínútu eftir skoðun á myndbandi.

Fleiri mörk voru ekki skorðu í leiknum en Baumgart endaði á að fá rautt spjald fyrir að sparka pappírsbolta, sem barst úr stúkunni, inn á völlinn.

Á sjónvarpsmyndum sást svo þegar Baumgart gekk enn lengra og veifaði löngutöng sem féll ekki í kramið hjá þýska knattspyrnusambandinu. Í viðtali eftir leik vildi hann þó ekki meina að fokkjú-merkinu hefði verið beint að dómaranum né neinum öðrum.

Baumgart hefur nú verið beðinn um að senda skriflegt svar til að útskýra hegðun sína áður en úrskurðað verður í málinu.