Full­komin byrjun Bayern heldur á­fram

Bayern tók á móti Dortmund í dag og vann nokkuð öruggan 2-1 sigur en gestirnir náðu að koma sárabótamarki í netið undir lokin.

Harry Kane og Michael Olise skoruðu mörk Bayern í dag en Kane er kominn með tólf mörk í fyrstu sjö umferðum deildarinnar. Hann lék í dag fyrir aftan Nicolas Jackson sem er á láni hjá Bayern frá Chelsea og á enn eftir að opna markareikning sinn í deildinni.

Bayern er eins og áður sagði á toppi deildarinnar með fullt hús stiga, 21 stig eftir sjö umferðir.