Körfubolti

„Verðum að mæta til­búnir“

Siggeir Ævarsson skrifar
Elvar Már er enn með báða fætur á jörðinni þrátt fyrir góðan útisigur á Ítölum.
Elvar Már er enn með báða fætur á jörðinni þrátt fyrir góðan útisigur á Ítölum. Vísir/Hulda Margrét

Elvar Már Friðriksson átti frábæran leik þegar Ísland lagði Ítalíu í undankeppni EM á fimmtudag á útivelli. Nú bíður næsta verkefni sem er leikur gegn Bretlandi í Laugardalshöll í dag. Aron Guðmundsson ræddi við Elvar um þessa tvo leiki í gær.

Ísland hefur nú unnið Ítalíu á útivelli í nóvember tvö ár í röð en Elvar vildi ekki meina að það væri orðið að hefð, sigrarnir væru alls ekki sjálfgefnir.

„Ég væri til í að gera þetta að hefð en við tökum þessu ekki sem sjálfsögðum hlut. Við þurfum að vinna mikið fyrir þessum sigrum.“

Klippa: Elvar Már um leikinn gegn Bretum í kvöld

Framundan er svo leikur gegn Bretum í kvöld og Elvar er temmilega bjartsýnn.

„Við vorum á vídjó-fundi áðan að skoða aðeins leikmannahópinn þeirra. Miklir íþróttamenn og mjög áræðnir leikmenn, bæði varnar- og sóknarlega. Kannski með aðeins meiri lengd og hæð, og íþróttamennsku, heldur en við þannig að við verðum að mæta tilbúnir í það verkefni og reyna að vernda heimavöllinn.“

Elvar er þó enn með báða fætur á jörðinni og er hvorki búinn að bóka sigur í dag né í næstu leikjum.

„Það eru fjórir leikir í viðbót og við þurfum að fara í gegnum þá líka.“

Viðtalið við Elvar má sjá í heild í spilaranum hér að ofan.

HM 2027 í körfubolta Landslið karla í körfubolta

Mest lesið


Fleiri fréttir

Sjá meira


×

Mest lesið