Körfubolti

Ítalir hleyptu D-riðlinum upp í loft

Siggeir Ævarsson skrifar
Litháarnir voru svekktir í leikslok
Litháarnir voru svekktir í leikslok Mynd FIBA

Öll liðin í D-riðli í undankeppni HM í körfubolta eru jöfn að stigum eftir úrslit dagsins en Ítalir gerðu sér lítið fyrir og unnu Litháen í æsispennandi leik nú rétt áðan.

Lokatölur leiksins urðu 81-82 en Ítalir tryggðu sér sigurinn sjö sekúndum fyrir leikslok. 

Síðustu tvær mínútur leiksins voru æsispennandi og Litháar voru hársbreidd frá því að endurtaka leikinn frá síðasta leik þar sem þeir snéru töpuðum leik gegn Bretlandi í ótrúlegan sigur en Ítalir stóðust áhlaupið að þessu sinni, en tæpt var það.

Þessar mögnuðu lokamínútur má sjá hér að neðan.

Úrslitin þýða að öll liðin í riðlinum hafa unnið annan af tveimur leikjum sínum og ljóst að það er spenna framundan í riðlinum þar sem allt getur gerst í næstu leikjum en þrjú efstu liðin komast á HM.




Fleiri fréttir

Sjá meira


×