Deila fyrstu myndunum af hvort öðru

Parið sást fyrst stinga saman nefjum í lok júlí á veitingastað í Montreal í Kanada og staðfestu svo sambandið í lok október. Núna hafa þau formlega staðfest sambandið á samfélagsmiðlum en söngkonan birti nokkrar myndir á Instagram og þar á meðal sjálfu af parinu.

Þá má sjá þau smakka japanska rétti og dást að ljósasýningu. Gera má ráð fyrir að parið hafi verið í Japan þar sem Perry hélt tónleika þar í landi þann 3. desember. 

Trudeau og Perry nýttu líka ferðalagið í formlegar erindagjörðir en Trudeau birti mynd af þeim ásamt Fumio Kishida, fyrrverandi forsætisráðherra Japan og Yuko Wada, eiginkonu hans.

Justin Trudeau var lengi forsætisráðherra Kanada en sagði af sér embætti í byrjun árs. Hann var giftur Sophie Trudeau frá árinu 2005 og eiga þau þrjú börn saman en skildu árið 2023. Katy Perry byrjaði fyrst með leikaranum Orlando Bloom árið 2016 og eignuðust þau barn saman árið 2020. Í lok júní 2025 greindu þau frá sambandsslitum sínum.