Semenyo tekur treyjunúmer Yaya Touré

City greiðir um 65 milljónir punda fyrir Semenyo, sem gerir hann að dýrasta leikmanni í sögu Bournemouth, samkvæmt BBC.

Ganverjinn Semenyo mun klæðast treyju númer 42 hjá Manchester City, eins og Fílabeinsstrendingurinn Yaya Toure gerði á sínum tíma. Semenyo var númer 24 hjá Bournemouth en Josko Gvardiol á þá treyju hjá City. 

Ferli hans hjá Bournemouth lauk með besta hætti en Semenyo skoraði seint sigurmark á afmælisdegi sínum í 3-2 sigri gegn Tottenham í fyrradag.

Hann skoraði fjögur mörk í síðustu sex leikjum sínum fyrir Bournemouth og er með alls tíu mörk í tuttugu leikjum, sem gerir hann að þriðja markahæsta manni ensku úrvalsdeildarinnar á eftir Erling Haaland (20) og Igor Thiago (16).