EM-Pall­borðið: Allt sem þarf að vita fyrir stór­leikinn í dag

Ísland spilar sannkallaðan stórleik í dag, í milliriðli II á EM í handbolta, þegar liðið mætir lærisveinum Dags Sigurðssonar í Króatíu klukkan 14:30, og við taka svo fleiri leikir næstu daga sem skera úr um það hvort Ísland spilar um verðlaun á mótinu.

EM-Pallborðið má sjá í spilaranum hér að neðan og hefst það um klukkan 10:50. Í þættinum verður boltinn líka sendur út til Malmö þar sem stemningin fer stigvaxandi enda mikill fjöldi Íslendinga á svæðinu.

Ísland er með tvö stig frá sigri sínum gegn Ungverjalandi, Svíþjóð með tvö stig eftir sigur sinn á Króatíu, og Slóvenía með tvö stig eftir sigur sinn á Sviss. Ísland mætir Króatíu í dag, Svíþjóð á sunnudaginn, Sviss næsta þriðjudag og loks Slóveníu á miðvikudag.

Leikirnir í milliriðli II

Föstudagurinn 23. janúar

• 14.30 Ísland - Króatía
• 17.00 Sviss - Ungverjaland
• 19.30 Slóvenía - Svíþjóð

Sunnudagurinn 25. janúar

• 14.30 Slóvenía - Ungverjaland
• 17.00 Ísland - Svíþjóð
• 19.30 Sviss - Króatía

Þriðjudagurinn 27. janúar

• 14.30 Ísland - Sviss
• 17.00 Slóvenía - Króatía
• 19.30 Svíþjóð - Ungverjaland

Miðvikudagurinn 28. janúar

• 14.30 Ísland - Slóvenía
• 17.00 Króatía - Ungverjaland
• 19.30 Sviss - Svíþjóð