Gullhúðað af­nám jafnlaunavottunar

Ólafur segir FA Félag atvinnurekenda fagna eindregið frumvarpi Þorbjargar Sigríðar dómsmálaráðherra um að fella skyldu til jafnlaunavottunar úr lögum og taka þess í stað upp einfaldara kerfi.

Mistök gerð við 

„Félagið telur þó að ráðherrann hefði getað gert betur og gengið lengra,“ segir Ólafur í athyglisverðri grein.

Fram hefur komið að hörð gagnrýni á jafnlaunavottunina sem Þorsteinn Víglundsson ráðherra Viðreisnar kom á í sinni tíð. Hann viðurkenndi nýverið í viðtali við Morgunblaðið að mistök hafi verið gerð og vottunin hafi reynst of íþyngjandi fyrir minni fyrirtæki. 

Kostnaður við jafnlaunavottun hleypur á milljörðum. Diljá Mist Einarsdóttir, þingmaður Sjálfstæðisflokksins, hefur ítrekað bent á að lögin séu klámhögg, þau geri ekkert gagn – hún hefur reyndar kallað fyrirbærið „láglaunavottun“.

Ólafur segir að þess beri að geta að að úttektir á kynbundum launamun bendi ekki til að jafnlaunavottun hafi nein bein áhrif á hann; „það er ekki marktækt minni launamunur í fyrirtækjum sem hafa fengið jafnlaunavottun en í þeim sem ekki fengu hana.“

Þorbjörg Sigríður segir í stuttu samtali við Vísi að ekki komi fram í umsögn FA að frumvarpið gangi í raun lengra en tillögur hagræðingarhópsins, sem FA vísar til.

„Lengra því hin eiginlega jafnlaunavottun er afnumin. Fjöldi fyrirtækja með fleiri en 100 starfsmenn þótti of lítill á Íslandi til að sjónarmiðin um launajafnrétti stæðu ef farið yrði í 100 manna fyrirtæki og stærri eingöngu,“ segir Þorbjörg.