Hækka láns­hæfis­ein­kunn Ís­lands í ljósi bættrar stöðu ríkis­fjár­mála

Uppfærslan er sögð endurspegla bætta stöðu ríkisfjármála og spá um samdrátt í skuldum ríkissjóðs sem byggi á þeirri yfirlýstu áherslu stjórnvalda að færa sig í átt að auknu jafnvægi í ríkisfjárlögum. Þetta kemur fram í tilkynningum frá matsfyrirtækinu og fjármála- og efnahagsráðuneytinu.

Fjárlagahallinn hafi lækkað úr 8,8 prósent af vergri landsframleiðslu árið 2020 í 1,3 prósent árið 2025, samkvæmt mati Fitch. Fyrirtækið eigi von á því að enn frekar dragi úr halla á árunum 2026 til 2027 vegna þjóðhagslegu stöðugleikareglunnar sem takmarki raunútgjaldavöxt, samþykktra tekjuráðstafana og víðtækri pólitískri samstöðu um að ná hallalausum fjárlögum árið 2027.  

„Mat á lánshæfiseinkunn Íslands og stöðugum horfum er stutt af auðugu hagkerfi, styrkum stjórnarháttum, sterkum stofnunum og sterkum efnahagsreikningum einkageirans. Á móti þessum styrkleikum vegur smæð hagkerfisins og hversu berskjaldað það er fyrir áföllum í stökum atvinnugreinum.“ Varfærni í stefnumótun og sterk fjárhagsleg jöfnunartæki Íslands hafi á sama tíma aukið efnahagslegan viðnámsþrótt landsins.

Fréttin er í vinnslu.