Valdi tvo ný­liða í kvenna­lands­liðið

Tveir nýliðar eru í hópnum, þær Elín Helena Karlsdóttir og Birta Georgsdóttir sem báðar urðu Íslandsmeistarar með Breiðabliki síðasta sumar. Birta hefur síðan farið út í atvinnumennsku og spilar með Genoa á Ítalíu.

Það eru fleiri að koma inn í landsliðið frá síðasta verkefni í október en bæði Berglind Rós Ágústsdóttir og Ída Marín Hermannsdóttir voru líka teknar inn frá síðustu leikjum.

Arna Eiríksdóttir og Vigdís Lilja Kristjánsdóttir eru ekki með að þessu sinni vegna meiðsla og Agla María Albertsdóttir gefur ekki kost á sér.

Thelma Karen Pálmadóttir og María Catharina Ólafsd. Gros halda báðar sæti sínu í landsliðinu en Thelma Karen er nú orðinn leikmaður sænsku meistaranna í Häcken.

Íslensku stelpurnar mæta Spáni á Estadio Municipal Castalia í Castellon þriðjudaginn 3. mars og spilað verður við England á City Ground í Nottingham laugardaginn 7. mars.