Með 52 stig í þríframlengdum botnslag

Hamar/Þór mætti Ármanni í Hveragerði en liðin voru jöfn að stigum á botni deildarinnar með sex hvort og töluvert á eftir liðunum fyrir ofan.

Leikur liðanna var kaflaskiptur en ávallt jafn og stutt á milli. Að 40 mínútum loknum fékk þau ekkert aðskilið, staðan jöfn 81-81.

Framlengja þurfti því leikinn en eftir tvær fimm mínútna framlengingar var staðan enn jöfn.

Hamar/Þór tókst að hafa betur í lokin eftir enn eina jöfnu framlenginguna en lokatölur 107-104 fyrir heimakonur.

Jadakiss Guinn átti stórkostlegan leik og skoraði 52 stig auk þess að taka tíu fráköst og gefa átta stoðsendingar. Jónína Þórdís Karlsdóttir stóð upp úr hjá gestunum með þrefalda tvennu; 36 stig, tólf fráköst og tíu stoðsendingar.

Eftir sigurinn er Hamar/Þór í næst neðsta sæti neðri hluta deildar eftir uppskiptingu, með tíu stig en Ármann vermir botnsætið með átta stig.

Tindastóll vann þá öruggan 90-66 útisigur á Stjörnunni í Garðabæ. Maddie Sutton fór fyrir liðinu með heil 28 stig og 14 fráköst.

Sigurinn kemur Tindastóli í 16 stig, tveimur á eftir Stjörnunni og fjórum frá Keflavík sem er efst í neðri hlutanum eftir skiptingu.