Körfubolti

Tvær breytingar á hópnum fyrir kvöldið

Valur Páll Eiríksson skrifar
Ásta Júlía kemur inn í hóp Íslands eftir að hafa misst af leiknum í Serbíu vegna meiðsla.
Ásta Júlía kemur inn í hóp Íslands eftir að hafa misst af leiknum í Serbíu vegna meiðsla. Vísir/Hulda Margrét

Pekka Salminen, landsliðsþjálfari kvenna í körfubolta, gerir tvær breytingar á leikmannahópi liðsins fyrir leik Íslands við Portúgal að Ásvöllum í kvöld.

Þetta kemur fram í tilkynningu frá KKÍ. Ásta Júlía Grímsdóttir, leikmaður Vals, missti af fyrri leik landsleikjagluggans þar sem Ísland tapaði fyrir Serbíu ytra á miðvikudaginn var. Hún kemur inn í hópinn í kvöld.

Einnig verður Eva Wium Elíasdóttir með íslenska liðinu í kvöld eftir að hafa ekki spilað leikinn við Serba.

Þær Kolbrún María Ármannsdóttir og Þóranna Kika Hodge-Carr víkja úr hópnum en báðar glíma þær við meiðsli.

Leikurinn fer fram í Ólafssal að Ásvöllum klukkan 19:30 í kvöld. KKÍ býður ásamt Lengjunni frítt á völlinn.

Leikmannahópur Íslands gegn Portúgal:

  • Anna Ingunn Svansdóttir – Keflavík
  • Ásta Júlía Grímsdóttir – Valur
  • Danielle Rodriguez – Njarðvík
  • Eva Wium Elíasdóttir - Stjarnan
  • Isabella Ósk Sigurðardóttir – Grindavík
  • Kristrún Ríkey Ólafsdóttir - KR
  • Rebekka Rut Steingrímsdóttir – KR
  • Sara Rún Hinriksdóttir – Keflavík
  • Sigrún Björk Ólafsdóttir - Haukar
  • Tinna Guðrún Alexandersdóttir - Haukar
  • Thelma Dís Ágústsdóttir – Keflavík
  • Þóra Kristín Jónsdóttir – Haukar
Landslið kvenna í körfubolta

Mest lesið


Fleiri fréttir

Sjá meira


×

Mest lesið