Grinda­vík sópaði Val í sumar­frí

Leikurinn í kvöld var ekki jafn spennuþrunginn og hinir tveir leikir liðanna.

Grindavík var rúmum tuttugu stigum yfir í hálfleik og Valskonur voru aldrei nálægt því að gera seinni hálfleikinn spennandi.

Abby Beeman var stigahæst hjá Grindavík með 23 stig og 7 stoðsendingar í þokkabót.

Reshawna Stone var stigahæst hjá Val með 24 stig en hún greip líka 7 fráköst og gaf 3 stoðsendingdar.

Óvíst er hverjum Grindavík mun mæta í undanúrslitum en Haukar og Njarðvík hafa nú þegar tryggt sig þangað. KR og Keflavík berjast svo um lausa sætið.

Ef KR vinnur það einvígi mun Grindavík mæta Haukum. Ef Keflavík vinnur það einvígi mun Grindavík mæta Njarðvík.

Lesa má um þriðja leik KR og Keflavíkur hér fyrir neðan.