Viðskipti innlent

Flug­menn Air Atlanta hafa fellt nýjan kjara­samning í tví­gang

Birgir Olgeirsson skrifar
Air Atlanta er með 19 breiðþotur á sínum snærum. Flugmenn Air Atlanta sem starfa á Íslandi eru 110 talsins og á vegum Félags íslenskra atvinnuflugmanna. 
Air Atlanta er með 19 breiðþotur á sínum snærum. Flugmenn Air Atlanta sem starfa á Íslandi eru 110 talsins og á vegum Félags íslenskra atvinnuflugmanna.  Air Atlanta

Flugmenn Air Atlanta hafa tvívegis fellt nýjan kjarasamning í atkvæðagreiðslu. Í samningnum sem felldur var síðast áttu launin að hækka samkvæmt kjarasamningsbundinni hækkun stöðugleikasamkomulags á almennum vinnumarkaði. Sú hækkun nemur um 3,5% á ári hverju yfir samningstímann.

Flugmenn Air Atlanta við störf á Íslandi í dag eru um 110 talsins og eru á vegum Félags íslenskra atvinnuflugmanna. Samningar hafa verið lausir frá áramótum.

Guðlaugur Birnir Ásgeirsson situr í samninganefnd flugmanna Air Atlanta en hann segir deiluna langt frá því að vera í hnút.

Hann segir erfitt að henda reiður á af hverju samningarnir tveir voru felldir af flugmönnum. Hópurinn sé ekki ýkja stór og ekki hafi munað miklu á atkvæðum þeirra sem samþykktu samninginn og þeirra sem höfnuðu honum.

Fyrirhugaður er stjórnarfundur hjá stéttarfélaginu á morgun þar sem næstu skref verða ákveðin.

Umtalsverðar breytingar urðu á eignarhaldi Air Atlanta í síðustu viku þegar lykilstjórnendur félagsins keyptu 51% hlut í félaginu en eitt stærsta fraktflugfélag heims, Atlas Air í Bandaríkjunum, keypti 49% hlut.

Air Atlanta er með 19 breiðþotur á sínum snærum og starfsstöðvar um allan heim.

Air Atlanta Flug Kjaramál

Tengdar fréttir

Flugrisi eignast allan flugflota Air Atlanta

Forstjóri Flugfélagsins Atlanta og nýr stjórnarformaður, Baldvin Már Hermannsson, segir kaup stærsta fraktflugfélags heims á 49 prósenta hlut gefa Atlanta aukinn alþjóðlegan slagkraft. Félagið verði áfram með höfuðstöðvar á Íslandi og í meirihlutaeigu stjórnenda félagsins.



Mest lesið


Fleiri fréttir

Sjá meira


×

Mest lesið