Orri og Ísak mætast í æfinga­leik

Landsliðsfyrirliðinn Orri Steinn Óskarsson leikur með Real Sociedad sem varð bikarmeistari á Spáni á síðasta tímabili.

Liður í undirbúningi Real Sociedad fyrir næsta tímabil er leikur gegn Köln á RheinEnergie-leikvanginum 8. ágúst næstkomandi.

Þar mætir Orri félaga sínum í íslenska landsliðinu, Ísaki Bergmann Jóhannessyni. Skagamaðurinn gekk í raðir Kölnar frá Fortuna Düsseldorf síðasta sumar. Á síðasta tímabili endaði Köln í 14. sæti þýsku úrvalsdeildarinnar.

Ísak lék þrjátíu leiki með Köln í deild og bikar á síðasta tímabili og skoraði þrjú mörk.

Orri skoraði tíu mörk í 25 leikjum fyrir Real Sociedad á síðasta tímabili. Liðið endaði í 10. sæti spænsku úrvalsdeildarinnar en varð bikarmeistari eftir sigur á Atlético Madrid í vítaspyrnukeppni.