Drangar kaupa Brauð & Co

Þetta kemur fram í fréttatilkynningu frá Dröngum. Þar segir að samningur sé gerður með fyrirvara um samþykki Samkeppniseftirlitsins. Brauð & Co. reka átta bakarí á höfuðborgarsvæðinu.

Brauð & Co var stofnað af þeim Ágústi Einþórssyni, Birgi Þór Bieltvedt og Þóri Snæ Sigurjónssyni. Ágúst seldi meðstofnendum sínum hlut sinn í fyrirækinu árið 2019. 

Félagið hafi skilað hagnaði á rekstrarárinu 2025 og ársvelta félagsins sé rúmlega einn og hálfur milljarður króna. Kaupverðið verði greitt með hlutabréfum í Dröngum og reiðufé. Drangar eru eitt stærsta verslunar- og þjónustufyrirtæki landsins en í eigu þess er meðal annars verslanirnar Nettó, SPAR, Prís, Krambúðin, Kjörbúðin og 10-11.

„Frá stofnun hefur Brauð & Co. skapað sér sérstöðu á íslenskum markaði með súrdeigsbrauði, fersku bakkelsi og metnaðarfullri vöruþróun. Vörumerkið nýtur mikillar virðingar meðal neytenda og hefur orðið eitt sterkasta vörumerki landsins á sínu sviði,“ segir í tilkynningunni.