Neytendur

Inn­kalla te sem inni­hélt ál

Jón Þór Stefánsson skrifar
Of mikið ál var í SHAN WAI SHAN matcha green tea.
Of mikið ál var í SHAN WAI SHAN matcha green tea.

Mikið magn af áli mældist í tei og hefur það verið innkallað af Heilbrigðiseftirliti Suðurnesja. Varan sem um ræðir heitir SHAN WAI SHAN matcha green tea, og var flutt til landsins af Kina Panda ehf. Fyrirtækið hefur í samráði við Heilbrigðiseftirliti Suðurnesja innkallað vöruna.

Greint er frá þessu í tilkynningu frá Matvælastofnun. Neytendur sem keypt hafa vöruna eru beðnir um að neyta hennar ekki og farga eða skila til verslunarinnar.

Þar segir að tilkynning um innköllun hafi komið í gegnum evrópskt hraðviðvörunarkerfi um hættuleg matvæli og fóður á markaði.

Eingöngu er verið að innkalla eftirfarandi framleiðslulotu:

Vörumerki: SHAN WAI SHAN

Vöruheiti: Matcha green tea

Geymsluþol: Lotunúmer NL-02-250312, best before 12/03/2028

Nettómagn: 12x80 g

Framleiðandi: Fujian Blue Lake Foods Co.

Framleiðsluland: Kína

Innflytjandi: Kína Panda ehf.

Innflytjandi: Kína Panda ehf., Hafnargötu 90, Reykjanesbæ

Dreifing: Kína Panda ehf., Hafnargötu 90, Reykjanesbæ

Matvælastofnun Neytendur Innköllun


Mest lesið


Fleiri fréttir

Sjá meira


×

Mest lesið