Sinner missir af Opna banda­ríska

Bretinn Jack Draper hefur sömuleiðis tilkynnt að hann missi af mótinu.

Sinner hefur ekki leikið keppnisleik síðan hann vann Wimbledon-mótið í júlí. Ítalski tennismaðurinn glímir nú við meiðsli í hné og hefur eftir mikla umhugsun ákveðið að taka ekki áhættuna á því að keppa í New York.

„Þrátt fyrir að ég hafi unnið hörðum höndum með mínu teymi og læknaliði höfum við nú þurft að taka þá erfiðu ákvörðun að ég geti ekki keppt á Opna bandaríska í ár,“ segir Sinner. BBC greinir frá.

Fráhvarf Sinners kemur aðeins degi eftir að Carlos Alcaraz, helsti keppinautur hans, staðfesti að hann ætli að taka þátt í mótinu. Alcaraz hefur sjálfur verið frá keppni í um fjóra mánuði vegna úlnliðsmeiðsla.

Sinner og Alcaraz hafa verið ráðandi öfl í karlatennis undanfarin misseri og fjarvera Sinners er því mikið áfall fyrir mótið.