Fótbolti

Salah skoraði fyrstu mörkin fyrir Trabzonspor

Ingvi Þór Sæmundsson skrifar
Mohamed Salah er kominn á blað með Trabzonspor.
Mohamed Salah er kominn á blað með Trabzonspor. getty/Hakan Burak Altunoz

Mohamed Salah opnaði markareikning sinn með Trabzonspor þegar liðið vann 2-1 sigur á Istanbul Basaksehir í tyrknesku úrvalsdeildinni í dag. Salah skoraði bæði mörk Trabzonspor í leiknum.

Eftir níu ár hjá Liverpool gekk Salah í raðir Trabzonspor í sumar. Salah vann allt sem hægt var að vinna hjá Liverpool og skoraði 257 mörk fyrir félagið.

Salah lék sinn þriðja leik fyrir Trabzonspor í dag og hann kom liðinu yfir á 8. mínútu.

Eldor Shomurodov jafnaði fyrir Istanbul Basaksehir úr vítaspyrnu á 19. mínútu en í upphafi seinni hálfleiks skoraði Salah öðru sinni. Það reyndist sigurmark Trabzonspor.

Salah kom boltanum í netið í uppbótartíma en markið var dæmt af vegna rangstöðu.

Trabzonspor er með fjögur stig eftir fyrstu tvo leiki sína í tyrknesku úrvalsdeildinni.

Tyrkneski boltinn

Mest lesið


Fleiri fréttir

Sjá meira


×

Mest lesið