„Þurfum að nýta góðu kaflana betur“

„Þetta var kaflaskipt frammistaða og mér fannst góðu kaflarnir fleiri og lengri hjá okkur en Stjörnunni. Þeir voru hins vegar skilvirkari í því sem þeir voru að gera og við þurfum að fara að nýta góðu kaflana betur en við höfum verið að gera,“ sagði Sigurður Heiðar Höskuldsson, þjálfari Þórs.

„Við vorum búnir að vera ofan á í leiknum þegar þeir skora mörkin tvö undir lok fyrri hálfleiks. Það hefur loðað við okkur að fá á okkur mark í andlitið þegar við erum með yfirhöndia í leikjum og því þurfum við að breyta,“ sagði Sigurður Heiðar þar að auki.

„Þeir nýttu sér líkamlega yfirburði sína vel í fyrri hálfleik og náðu að herja á okkur í þau svæði sem þeir vildu sækja í. Við fórum vel yfir hlutina í hálfleik og ég fékk gott svar frá leikmönnum mínum í seinni hálfleik. Færslan í liðinu varð betri bæði í varnarleiknum og sóknarleiknum. 

Þeir sem komu inná komu með kraft og við sýndum spirit undir lok leiksins. Við lögðum allt í það að reyna að jafna en þrátt fyrir góða spilamennsku heilt yfir þá náðum við því ekki,“ sagði hann.