Lögreglumál

Lögreglumál

Fréttir af verkefnum lögreglunnar á Íslandi.

Fréttir í tímaröð

Fréttamynd

„Margir staðir og margir sak­borningar“

Hið minnsta fimmtán manns eru sakborningar í þeim nítján málum sem tengjast skipulögðum fíkniefnahring á Raufarhöfn og víðar. Lögreglan fyrir norðan hefur lagt hald á kannabis í kílóavís og hafa fleiri en hundrað rannsóknarúrskurðir verið kveðnir.

Innlent
Fréttamynd

Hraðlyginn leið­sögu­maður úr landi

Fertugur breskur karlmaður af kínverskum uppruna fær ekki að koma aftur til Íslands næstu tvö árin eftir að hafa starfað hér á landi sem leiðsögumaður án leyfis. Maðurinn var gripinn við eftirlit lögreglu og reyndust svör hans við spurningum lögreglu loðin í meira lagi.

Innlent
Fréttamynd

Með skerta at­hygli af ó­þekktum á­stæðum þegar slysið varð

Rannsóknarnefnd samgönguslysa hvetur þá sem flytja inn ökutæki til að flytja ekki inn bíla sem eru án loftpúða fyrir farþega í framsæti. Í nýrri skýrslu nefndarinnar um banaslys við Kross í Berufirði í mars í fyrra segir að meginorsök slyssins hafi verið að öðrum bílnum hafi verið ekið yfir á rangan vegarhelming og að ökumaður hafi verið með skerta athygli. 

Innlent
Fréttamynd

„Ég hefði stigið inn í á sekúndum hefði ég vitað af þessu“

Bróðir Margrétar Löf, sem var dæmd í sextán ára fangelsi fyrir að hafa orðið föður þeirra að bana, skilur að upp hafi vaknað spurningar um meint aðgerðaleysi hans vegna heimilisofbeldis sem faðir hans varð fyrir en samband hans við fjölskylduna hafi ekki verið hefðbundið fjölskyldumynstur. Hann gagnrýnir aðgerða- og úrræðaleysi heilbrigðisstéttarinnar.

Innlent
Fréttamynd

Merki um tengsl við er­lenda leyni­þjónustu

Hryðjuverkaógn hér á landi er enn talin raunhæf og lögreglan býr yfir upplýsingum um einstaklinga sem taldir hafa vilja eða getu til að fremja alvarleg ofbeldisverk. Þá eru merki um einstaklinga hér á landi sem eru hugsanlega að koma upplýsingum til erlendra leyniþjónusta.

Innlent
Fréttamynd

Ná­granninn kom út með hnífa í buxna­strengnum

Lögreglunni á höfuðborgarsvæðinu barst í gærkvöld eða nótt óljós tilkynning þar sem óskað var eftir hennar aðstoð. Á vettvangi greindi sá sem tilkynnti um málið að nágranni hans hefði ýtt í hann, slegið til hans og hótað honum. Meðan lögreglumenn voru að ræða við manninn kom umræddur nágranni á vettvanginn með hnífa í buxnastrengnum sínum.

Innlent
Fréttamynd

Fóru með fórnar­lambið út að Gróttuvita og börðu með felgulykli

Þrír karlmenn sæta ákæru fyrir frelsissviptingu og tilraun til ráns, með því að hafa svipt fjórða manninn frelsi og beitt hann ofbeldi og hótunum í því skyni að reyna að hafa af honum verðmæti. Mennirnir eru meðal annars grunaðir um að hafa slegið fórnarlamb sitt með felgulykli, ekið út að Gróttuvita og veitt manninum ítrekuð högg á meðan bílferðinni stóð. Meint brot áttu sér stað sumarið 2020, fyrir tæpum sex árum síðan, en málið verður tekið fyrir í Héraðsdómi Reykjavíkur í mars næstkomandi.

Innlent
Fréttamynd

Trúður hand­tekinn á Kefla­víkur­flug­velli vegna meintrar sprengju

Bandaríski trúðurinn Eric Broomfield, sem kallar sig Jelly Boy the Clown og býr á Íslandi, var handtekinn um borð í flugvél Icelandair í Keflavík á leið til Bandaríkjanna á þriðjudag. Ástæðan var rafmagnstæki, sem hann notar í sýningum sínum, sem lögreglan taldi vera heimagerða sprengju. Hann var yfirheyrður og dúsaði í fangaklefa í fimm klukkutíma áður en honum var sleppt. Hann hefur ferðast um allan heim með tækið og aldrei áður lent í öðru eins.

Lífið
Fréttamynd

Flutti kíló af kókaíni inn í borði og flúði lög­reglu á hjóli

Héraðssaksóknari hefur gefið út ákæru á hendur þremur Litháum, sem eru sakaðir um tilraun til stórfellds fíkniefnalagabrots. Þremenningarnir eru sagðir hafa staðið að innflutningi kílós af kókaíni, 85 til 86 prósent að styrkleika, sem samsvarar 95 til 96 prósent af kókaínklóríði.

Innlent
Fréttamynd

Tíu manns í á­rekstri á Suður­landi

Að minnsta kosti tveir eru slasaðir eftir að tíu manns lentu í umferðarslysi á Biskupstungnabraut nálægt Geysi eftir hádegi í dag, þegar árekstur varð milli smárútu og fólksbíls. Þyrla Landhelgisgæslunnar var send á vettvang og hópslysaáætlun virkjuð.

Innlent
Fréttamynd

Þrjár stúlkur réðust á eina

Lögreglunni á höfuðborgarsvæðinu bárust tvær tilkynningar um líkamsárásir í gærkvöldi eða nótt en báðar áttu sér stað í Seljahverfi.

Innlent
Fréttamynd

Fanga­vörður sendur í leyfi

Fangavörður á ónefndri stafsstöð Fangelsismálastofnunar hefur verið sendur í leyfi frá störfum, grunaður um brot í opinberu starfi.

Innlent
Fréttamynd

„Svo sprakk rúðan og gler­brot út um allt í bílnum“

Ágúst Elí Ólafsson var hætt kominn í gær á Miklubraut þar sem hann var á leið heim úr vinnu en trjádrumbi var kastað í rúðuna hans af göngubrú við Skeifuna. Hann segist þakklátur fyrir að ekki hafi farið verr en biðlar til foreldra um að brýna fyrir börnum sínum hve hættuleg slík uppátæki séu. Hann tilkynnti málið til lögreglu, enda heyrði hann af öðru nýlegu dæmi við sömu brúna.

Innlent
Fréttamynd

„Dylgjur um menntastig“: Túlkun afbrotatölfræði inn­flytj­enda þarfnist þekkingar

Afbrotafræðingur nefnir tvær ástæður fyrir því að Íslendingar vilji í ítrekuðum mæli fækka innflytjendum hérlendis, annars vegar popúlisma og hins vegar ákall landsmanna eftir breytingum vegna fjöldans. Leiðrétt tölfræði um brotamenn með erlent ríkisfang séu áhugaverð en túlkun gagnanna krefjist þekkingar. Þingmaður Sjálfstæðisflokksins segist ekki ætla að láta þagga niður í sér með dylgjum um menntunarstig.

Innlent
Fréttamynd

Reyna að hnýta lausa enda sem allra fyrst

Eiríkur Valberg, fulltrúi í rannsóknardeild Lögreglunnar á höfuðborgarsvæðinu, segir lögregluna vera langt komna með að hnýta lausa enda í rannsókn á Edition-málinu svokallaða. Héraðssaksóknari sendi málið aftur til lögreglu fyrir um hálfum mánuði.

Innlent

Mest lesið