Erlent

Trump tókst að fella Massie

Thomas Massie, fulltrúadeildarþingmaður Repúblikanaflokksins, beið ósigur í forvali flokksins í Kentucky í gær. Massie, sem hefur setið á þingi frá 2012, tapaði fyrir Ed Gallrein, sem var valinn af Donald Trump Bandaríkjaforseta til að skora Massie á hólm. Úrslitin þykja til marks um það að Trump hafi enn tangarhald á Repúblikanaflokknum, þrátt fyrir vaxandi óvinsældir.

Erlent 20.5.2026 07:05

Játaði loksins að hafa myrt Emilie Meng fyrir ára­tug

Maðurinn sem var dæmdur fyrir að ræna og myrða hina sautján ára Emilie Meng árið 2016 hefur viðurkennt að hafa myrt hana, tíu árum eftir að hún hvarf sporlaust á Sjálandi í Danmörku.

Erlent 19.5.2026 23:35

Streymdu á­rásinni í beinni á netinu

Ungu mennirnir sem skutu þrjá til bana við mosku í San Diego í Bandaríkjunum í gær streymdu árásinni í beinni útsendingu á netinu. Þeir voru vopnaðir þremur byssum, hálfsjálfvirkum riffli, haglabyssu og skammbyssu, sem þeir höfðu skreytt með nasistatáknum og báru þeir einnig slík tákn á fatnaði sínum.

Erlent 19.5.2026 21:07

Erind­reki Trumps fékk skýr skila­boð frá Græn­lendingum

Heimsókn sérstaks erindreka Trumps Bandaríkjaforseta til Grænlands fær kuldaleg viðbrögð heimamanna. Utanríkisráðherra Grænlands segir hann hafa fengið skýr skilaboð um að Grænland sé ekki til sölu.

Erlent 19.5.2026 20:45

Bannar Skattinum að rann­saka Trump og fjöl­skyldu

Starfandi dómsmálaráðherra Bandaríkjanna bætti óvænt í dag við samkomulag dómsmálaráðuneytisins við Donald Trump, forseta, sem tilkynnt var í gær. Auk þess að stofna um tvö hundruð milljarða sjóð til að deila út skaðabótum til bandamanna Trump, felur samkomulagið einnig í sér að Skattinum hefur verið alfarið meinað að rannsaka eða grípa til aðgerða gegn Trump, fjölskyldu hans eða fyrirtæki vegna gamalla skattskýrslna þeirra sem munu hafa verið til rannsóknar um árabil.

Erlent 19.5.2026 20:23

Pútín lentur í Peking

Vladimír Pútín, forseti Rússlands, lenti í dag í Peking í Kína, þar sem hann mun funda með Xi Jinping, kollega sínum. Fundarhöldin munu standa yfir í tvo daga og ætla forsetarnir, samkvæmt rússneskum stjórnvöldum, að ræða efnahagssamvinnu og sameiginlega hagsmuni ríkjanna. Stutt er síðan Donald Trump Bandaríkjaforseti var í opinberri heimsókn í Kína en talsmaður Pútíns segir það ótengt heimsókn Pútíns.

Erlent 19.5.2026 18:38

Sonur stofnanda Mango hand­tekinn í tengslum við and­lát föður síns

Lögregluyfirvöld í Katalóníu hafa handtekið Jonathan Andic, son stofnanda tískuverslanakeðjunnar Mango, í tengslum við dauða föður hans. Isak Andic lést í desember árið 2024, eftir að hann féll niður í gil í Montserrat á göngu ásamt syni sínum.

Erlent 19.5.2026 11:22

Segja Breta myndu þurfa að upp­fylla sömu kröfur og önnur umsóknarríki

Sérfræðingar segja Evrópusambandið myndu taka Bretum með opnum örmum ef þeir vildu ganga aftur í sambandið en að þeir myndu hins vegar ekki fá jafn hagfelldan samning og þeir hefðu verið á. Tími sérstakra undanþága til handa Bretum væri liðinn.

Erlent 19.5.2026 10:08

Venstre vill minni­hluta­stjórn í Dan­mörku

Troels Lund Poulsen formaður danska hægriflokksins Venstre vill mynda minnihlutastjórn með Íhaldsflokknum og Frjálslynda bandalaginu. Hann segir það besta valmöguleikann í núverandi stöðu enn sögulegt þrátefli hefur verið í stjórnarmyndunarviðræðum eftir þingkosningarnar sem fóru fram í mars.

Erlent 19.5.2026 09:15

Tveir látnir og fjórir al­var­lega særðir eftir skot­á­rás á Spáni

Yfirvöld á Spáni hafa handtekið 25 ára gamlan mann sem er grunaður um að hafa skotið foreldra sína til bana og sært fjóra aðra, í bænum El Ejido nærri Almeríu.

Erlent 19.5.2026 07:45

Stjórn­völd í Tasmaníu biðjast af­sökunar á líf­færa- og líkamshlutaþjófnaði

Stjórnvöld í Tasmaníu í Ástralíu hafa beðist afsökunar á þjófnaði á líffærum og líkamshlutum látinna einstaklinga sem átti sér stað á árunum 1966 til 1991. Líkamspartarnir voru teknir án leyfis frá fjölskyldum viðkomandi, afhentir háskóla og í sumum tilvikum sýndir opinberlega.

Erlent 19.5.2026 06:54

Stofna 200 milljarða sjóð fyrir banda­menn Trumps og biðja for­setann form­lega af­sökunar

Dómsmálaráðuneyti Bandaríkjanna opinberaði í dag stofnun sérstaks sjóðs sem ætlað er að greiða skaðabætur til bandamanna Donalds Trump, forseta, sem hafa verið rannsakaðir eða dæmdir af yfirvöldum í forsetatíð Joes Biden.

Erlent 18.5.2026 22:32

Ó­sáttir við kröfur Trumps: „Græn­lendingar eru ekki til sölu“

Jens-Frederik Nielsen, formaður landstjórnar Grænlands, segir Grænlendinga ekki til sölu og að ekki sé hægt að semja um sjálfsákvörðunarrétt þeirra. Þetta sagðist Nielsen hafa ítrekað fyrir sérstökum erindreka Bandaríkjaforseta gagnvart Grænlandi sem lenti þar í gær.

Erlent 18.5.2026 21:51

Táningar skutu þrjá fyrir utan mosku í San Diego

Tveir táningar hófu skothríð á fólk við mosku í San Diego í Bandaríkjunum nú undir kvöld. Báðir eru látnir en lögreglan er með mikinn viðbúnað á svæðinu og segist lögreglan hafa náð tökum á ástandinu. Að minnsta kosti þrír fullorðnir voru skotnir til bana fyrir utan moskuna.

Erlent 18.5.2026 20:53

Sex kafarar látnir á Maldíveyjum

Yfirvöld á Maldíveyjum hafa fundið lík fjögurra ítalskra kafara sem saknað hafði verið síðan í síðustu viku. Hópurinn var frá háskólanum í Genóa og var þar til að sinna rannsóknum. Maldíveyjar eru sjálfstætt ríki staðsett í Indlandshafi og þykja búa yfir gífurlegri náttúrufegurð. Þar á meðal eru fjölskrúðug kóralrif sem hópurinn hugðist rannsaka.

Erlent 18.5.2026 15:45

Sótt­hreinsað hantaveiruskip væntan­legt til Ís­lands

Skemmtiferðaskipið MV Hondius er komið til hafnar í Rotterdam í Hollandi þar sem til stendur að sótthreinsa það. Útgerð skipsins stefnir enn á að senda það í norðurslóðaferð í til Íslands í þessum mánuði.

Erlent 18.5.2026 09:31

Lýsa yfir neyðar­á­standi vegna ebólufar­aldursins

Alþjóðaheilbrigðisstofnunin (WHO) hefur lýst yfir neyðarástandi á heimsvísu vegna nýs ebólufaraldursins sem geisar nú í Austur-Kongó. Mikil hætta er sögð á að faraldurinn breiðist út til nágrannaríkjanna.

Erlent 18.5.2026 08:56

Lammy segir ekkert farar­snið á Starmer

David Lammy, dómsmálaráðherra Bretlands, segir forsætisráðherrann Keir Starmer ekki hafa í hyggju að segja af sér né leggja fram drög að áætlun um að víkja. Lammy, sem er varaforsætisráðherra og einn nánasti bandamaður Starmer, hefur hvatt flokkssystkin sín til að hætta að hugsa um mögulegt leiðtogakjör og segir umræðuna um það „sjálfsmark“.

Erlent 18.5.2026 08:19

Mesti fjöldi af­taka á heims­vísu í 44 ár

Ekki hafa verið fleiri aftökur í heiminum í 44 ár, eða frá árinu 1981. Á síðasta ári voru 2.707 einstaklingar teknir af lífi í sautján löndum. Þetta kemur fram í nýútkominni árlegri skýrslu Amnesty International um beitingu dauðarefsingarinnar.

Erlent 18.5.2026 07:58

Segir Taívani ekki vilja á­tök en þeir muni ekki gefa eftir

Lai Ching-te, forseti Taívan, segir þarlend stjórnvöld ekki munu grípa til aðgerða sem gætu leitt til átaka en á sama tíma muni þau ekki gefa eftir sjálfræði landsins. 

Erlent 18.5.2026 06:49

„Annars verður ekkert eftir af þeim“

Donald Trump Bandaríkjaforseti segir varar við því að „ekkert verði eftir“ af Írönum ef þeir hafa ekki fljótar hendur við í friðarviðræðum. Viðræður milli Írana og Bandaríkjamanna dregist verulega á langinn og líkur eru á því að stríð brjótist aftur út.

Erlent 17.5.2026 22:35