Erlent

Trump segir komið að Írönum að hringja

Fyrirhugaðar Bandaríkjamanna og Írana runnu enn einu sinni út í sandinn eftir að Donald Trump Bandaríkjaforseti skipaði erindrekum sínum að hætta við ferð til Islamabad í þeim tilgangi að funda með fulltrúum Írana.

Erlent

Sjö felldir í Úkraínu

Hið minnsta sjö voru felldir í umfangsmiklum loftárásum Rússa víða í Úkraínu í fyrrinótt og þar af fimm í Dnípró, þar sem sprengja lenti á íbúðahúsnæði. Þessa sömu nótt sóttu úkraínskir drónar djúpt inn í Rússland.

Erlent

Myndir: Upp­lausn á blaðamannamóttöku

Skýrari mynd er komin af atviki á Hilton-hótelinu í Washington í gærkvöldi þegar vopnaður maður hleypti af skotvopni og ógnaði gestum sem þar sóttu móttöku. Donald Trump Bandaríkjaforseti, Melania Trump forsetafrú og JD Vance varaforseti voru meðal annarra flutt í snarhasti út af viðburðinum. 

Erlent

Ógn á galakvöldverði og for­setinn fluttur á brott

Donald Trump Bandaríkjaforseti, eiginkona hans Melania Trump, varaforsetinn JD Vance og ráðherrar voru fluttir í öruggt skjól þegar hættu varð vart á galakvöldverði fjölmiðla í Washington. Fregnir hafa borist af því að skothvellir hafi heyrst og að sögn yfirvalda hefur einn verið handtekinn.

Erlent

Orbán hættir á þingi

Viktor Orbán ætlar að hætta á þingi eftir að hafa lotið í lægra haldi í kosningum fyrr í mánuðinum. Hann hafði verið forsætisráðherra í samfleytt sextán ár en galt afhroð í nýyfirstöðnum þingkosningum.

Erlent

Vinasamtök al-Qaeda sögð reyna að steypa ríkis­stjórninni af stóli

Íslamistasamtök í samvinnu við uppreisnarmenn úr röðum Túarega virðast hafa gert samhentar árásir víða í Malí í Vestur-Afríku í morgun, meðal annars á höfuðborg landsins. Um er að ræða vinasamtök hryðjuverkahópsins al-Qaeda, en þau eru sögð reyna að steypa ríkisstjórn landsins af stóli.

Erlent

Gasabúar kjósa í fyrsta sinn í tuttugu ár

Sveitarstjórnarkosningar standa yfir í Palestínu í dag, bæði á hernumda Vesturbakka en einnig ganga örfáir að kjörborðinu á Gasaströndinni. Þetta er fyrsta sinn sem kosningar eru haldnar á Gasa frá því að Hamas vann þingkosningar 2006.

Erlent

Segja engan fund á dag­skrá

Hvíta húsið segir að samningamenn á vegum Bandaríkjanna haldi til Pakistan í dag í von um að semja um frið við Írani. Írönsk stjórnvöld segja aftur á móti að engir fundir með Bandaríkjamönnum séu á dagskrá, þrátt fyrir að utanríkisráðherra Írans sé í Íslamabad.

Erlent

Netanjahú greindist með krabba­mein

Benjamín Netanjahú forsætisráðherra Ísraels greindist með krabbamein í blöðruhálskirtli fyrir fáeinum mánuðum síðan og frestaði útgáfu árlegrar heilsuskýrslu í tvo mánuði til að Íranar gætu ekki notað það í áróðursskyni.

Erlent

Vestur­lönd tali opin­skátt um fyrirætlað stríð við Rúss­land

Utanríkisráðherra Rússlands segir Vesturlönd hafa lýst Rússlandi stríði á hendur með Úkraínu í broddi fylkingar. Vestrænir leiðtogar tali opinskátt um fyrirætlaða styrjöld við Rússland og vilji nota „Kænugarðsstjórnina“ sem múrbrjót. Þetta er þrátt fyrir að Rússland hafi gert allsherjarinnrás í landið fyrir fjórum árum síðan og staðið í árásum á það í á annan áratug.

Erlent

Hand­taka her­mann sem veðjaði á að Maduro yrði tekinn

Bandarískur hermaður sem er grunaður um að hafa nýtt sér innherjaupplýsingar til þess að veðja á að forseti Venesúela yrði handsamaður var handtekinn í gær. Grunur um innherjasvik hefur ítrekað komið upp í tengslum við aðgerðir Bandaríkjastjórnar.

Erlent

Segir vopna­hlé fram­lengt um þrjár vikur

Donald Trump Bandaríkjaforseti tilkynnti í kvöld að vopnahlé milli Líbanon og Ísraels yrði framlengt um þrjár vikur. Hann segir Bandaríkjamenn auk þess hafa „algjöra stjórn“ á Hormússundi.

Erlent

Með lista yfir góða og slæma banda­menn

Innan Hvíta hússins hefur hafa verið samdir listar um bandamenn sem forsvarsmönnum ríkisstjórnar Donalds Trump finnast vera góðir bandamenn annars vegar og slæmir bandamenn hins vegar. Til stendur að leita leiða til að refsa þeim bandamönnum Bandaríkjanna innan Atlantshafsbandalagsins og sérstaklega þeim sem hafa ekki viljað standa við bak Bandaríkjamanna vegna stríðsins gegn Íran.

Erlent

Fimm í lífs­hættu eftir lestarslysið

Lögreglustjóri á Norður-Sjálandi segir lestarslysið sem átti sér stað í grennd við Hilleröd í morgun hafa verið mjög alvarlegt. Lítið sé vitað um tildrög slyssins en tala þeirra sem talin eru í lífshættu hefur hækkað úr fjórum í fimm.

Erlent

Vél­mennið Ace sigrar at­vinnu­menn í borð­tennis

Verkfræðingar tæknifyrirtækisins Sony hafa þróað vélmenni sem reynst hefur mjög svo gott í borðtennis. Vélmennið, sem kallað er Ace, er svo gott að það getur sigrað atvinnumenn. Gervigreind var notuð til að kenna vélmenninu borðtennis og lærði það með því að spila íþróttina.

Erlent

Tóku tvö skip og réðust á það þriðja

Hermenn úr byltingarverði Íran tóku í dag yfir stjórn á tveimur skipum á Hormússundi og fylgdu þeim til hafnar í Íran. Þá varð þriðja skipið fyrir árás en Írönum tókst ekki að taka stjórn á því. Bandaríkjamenn meina enn öllum skipum að sigla til og frá Íran og Hormússundi er enn lokað.

Erlent

Ó­vænt jafn­tefli í kjördæmastríðinu

Kjósendur í Virginíu í Bandaríkjunum samþykktu í gær ný kjördæmi í ríkinu sem teiknuð voru upp af Demókrötum og gæti fjölgað þingsætum þeirra þar um fjögur. Það yrði á kostnað repúblikana en hæstiréttur ríkisins á þó eftir að úrskurða um hvort nýju kjördæmin séu lögleg eða ekki.

Erlent

Mest lesið