Detroit - Utah í beinni

Sjónvarpsstöðin NBA TV heldur áfram beinum útsendingum frá undirbúningstímabilinu í NBA í nótt, en leikur kvöldsins verður viðureign Detroit Pistons og Utah Jazz og hefst leikurinn strax klukkan 23:30 að þessu sinni.

Lið Detroit hefur farið ágætlega af stað í undirbúningi sínum og hefur unnið tvo leiki og tapað einum. Utah hefur unnið einn og tapað einum, en liðið vann Indiana nokkuð örugglega í Indianapolis í fyrrinótt.

Leikmenn Detroit eru almennt í nokkuð góðu standi sem áður, en lið Utah er ekki jafn vel sett hvað þetta varðar. Rússinn Andrei Kirilenko á við bakmeiðsli að stríða og er tæpur fyrir leikinn í kvöld