New Jersey - Miami í beinni á Sýn í kvöld

Sjónvarpsstöðin Sýn heldur í kvöld áfram að sýna beint frá NBA körfuboltanum en klukkan eitt eftir miðnætti verður á dagskrá leikur New Jersey Nets og meistara Miami Heat.

Shaquille O´Neal hjá Miami hefur verið meiddur á hné að undanförnu og hefur ekki spilað síðan þessi lið mættust fyrir viku. Þar vann Miami sigur 91-85, en ekki er ljóst hvort O´Neal verður með í kvöld. Miami hefur unnið 2 leiki og tapað 2 til þess í deildarkeppninni.

New Jersey hefur aðeins spilað þrjá leiki til þessa og hefur unnið tvo þeirra. Síðasti leikur New Jersey var í fyrrakvöld þegar liðið varð fyrsta liðið til að vinna Utah Jazz. Aðalskorari New Jersey, Vince Carter, meiddist lítilllega í sigrinum á Utah, en verður væntanlega með í kvöld. Hann hefur verið stigahæstur í öllum leikjum liðsins til þessa í deildinni.

Viðureignir þessa liða hafa verið nokkuð ójafnar í deildarkeppninni á undanförnum árum, en sigur Miami í síðustu viku var sá fyrsti í fjórum leikjum gegn Nets. Þar á undan hafði Miami unnið sex leiki liðanna þar á undan.

Annað hefur verið uppi á teningnum í úrslitakeppninni, þar sem Miami hefur unnið átta af síðustu níu viðureignum liðsins - en Miami sló New Jersey einmitt út úr úrslitakeppninni síðasta vor.