Gerrard: Hræðumst ekki Barcelona

Steven Gerrard, fyrirliði Liverpool, segir sína menn ekki óttast að mæta Barcelona í 16-liða úrslitum Meistaradeildarinnar í næstu viku. Hann segir reynslu leikmanna og þjálfara Liverpool koma liðinu til góða í einvíginu.

"Margir af strákunum í liðinu hafa reynslu af því að spila á Nou Camp svo við óttumst ekkert. Við verðum að fara þangað fullir sjálfstrausts og það þýðir ekkert að velta sér uppúr því að við séum að fara að mæta sterku liði eins og Barcelona - það myndi bara halda fyrir okkur vöku á nóttinni. Við vitum hvað við getum og sama hvað hver segir, held ég að Barcelona taki okkur mjög alvarlega," sagði Gerrard