Sér ekkert athugavert við lyfjanotkun íþróttamanna

Mark Cuban, eigandi NBA liðs Dallas Mavericks, er ekki vanur að liggja á skoðunum sínum. Hann segist ekki sjá neitt athugavert við að íþróttamenn noti lyf til að bæta frammistöðu sína á vellinum.

"Lyf sem eru hættuleg heilsu manna ættu að sjálfssögðu að vera á bannlista en ef til eru lyf sem eru í lagi og bæta frammistöðu leikmanna - því ættu þeir þá ekki að mega taka þau? Það myndi gera leikinn enn áhugaverðari og það hljómar fullkomlega í mínum eyrum, þó það hljómi kannski ekki vel þegar horft er til þeirra deilna sem verið hafa í íþróttaheiminum um ólöglega lyfjanotkun," sagði Cuban í samtali við Men´s Journal.