NASA kaupir geimklósett fyrir 1,2 milljarða

Bandaríska geimferðastofnunin hefur keypt rússneskt klósettkerfi fyrir 1,2 milljarða íslenskra króna. Þessu rándýra klósetti verður komið fyrir í bandaríska hluta alþjóðlegu geimstöðvarinnar.

Allir geimfarar á stöðinni hafa notast við sameiginleg klósettaðstöðu í rússneska hlutanum. Á nýja klósettinu verður hægt að binda sig niður til að gera þarfir sínar. Á meðan verknaðnum stendur eru viftur í gangi í klósettinu sem sjúga hluti fasta og koma þeim fyrir í klósettinu. Enda eru menn ekki hrifnir af svífandi kúk um alla geimstöð.

Að senda vatn út í geim er mjög dýrt og geimfararnir fara ekki í venjulega sturtu heldur skrúbba sig með blautklútum. Þess vegna verður allt vatn endurnýtt í geimstöðinni. Eftir endurnýtinguna verður meira að segja hlandið að kristaltæru drykkjarvatni.