Belgía til sölu á eBay

Uppboðsfyrirtækið eBay hefur tekið óvenjulegan hlut úr sölu á vefsíðu sinni en það var ríkið Belgía í heild sinni. Það var blaðamaðurinn Gerrit Six sem setti land sitt til sölu á eBay en með því vildi hann mótmæla því að enn hefur ekki verið mynduð ný ríkisstjórn í landinu þótt að um 100 dagar séu liðnir frá síðustu kosningum.

Boðin í Belgíu hófust á einni evru en þegar forráðamenn eBay ákváðu að stöðva þennan leik höfðu 26 tilboð borist og hið hæsta var komið í 10 milljónir evra.