Toronto framlengir við Bargnani

Ítalski framherjinn Andrea Bargnani, sem valinn var fyrstur í nýliðavalinu í NBA í fyrra, verður samningsbundinn liði Toronto Raptors í NBA út leiktíðina 2009. Liðið nýtti sér í dag réttinn til að framlengja samning hans í þrjú ár.

Bargnani er nú á kunnugum slóðum í heimalandi sínu þar sem hann er við æfingar í Róm með Kanadaliðinu. Toronto leikur um helgina æfingaleiki við Boston Celtics og Lottomatica Roma, lið Jóns Arnórs Stefánssonar.

Bargnani er aðeins 21 árs gamall og skoraði 11,6 stig og hirti um 4 fráköst að meðaltali í leik á sínu fyrsta ári í deildinni.