ÍR skellti meisturunum

ÍR-ingar gerðu sér lítið fyrir og skelltu Íslandsmeisturum KR á útvielli í fyrsta leik liðanna í 8-liða úrslitum Iceland Express deildarinnar í dag.

ÍR hafði yfir lengst af í leiknum en þrátt fyrir gott áhlaup KR-inga í fjórða leikhluta náðu Breiðhyltingarnir að halda haus og vinna 84-76.

Joshua Helm skoraði 22 stig og hirti 13 fráköst fyrir KR, Andrew Vogel gerði 17 stig og JJ Sola skoraði 11 stig og hirti 11 fráköst.

Nate Brown átti skínandi leik í jöfnu liði ÍR með 17 stigum og 11 stoðsendingum, Tahirou Sani skoraði 17 stig, Steinar Arason 16 og Hreggviður Magnússon 13.