Kynnt sem kraftakona frá Íslandi

Ingibjörg Elva Vilbergsdóttir, fyrirliði Keflavíkur, hefur ákveðið að gera samning við þýska 2. deildarliðið TSVE Lady Dolphins og verður því fyrsta íslenska körfuboltakonan til þess að spila í Þýskalandi.

Ingibjörg Elva var kynnt til leiks á blaðamannafundi í vikunni og þar var kærasti hennar Logi Geirsson mættur og tók að sér hlutverk túlks á blaðamannafundinum.

Ingibjörg ræddi þarna um sín fyrstu kynni af Þýskalandi og þýsku þjóðinni og þá var spurt út í samband hennar og Loga sem er frægt nafn á þessum slóðum enda að gera flotta hluti með Lemgo.

Ingibjörg sagði að landsliðsþjálfarinn hefði ráðlagt henni að reyna fyrir sér í þýsku 2.deildinni og Logi var fljótur að skjóta inn í að Ingibjörg hefði líka engan áhuga á að liggja upp í sófa alla daga.

Ingibjörg sagði að sýnir helstu styrkleikar lægju í að spila góða vörn og að hún gerði allt til þess að vinna því að hún hataði að tapa.

Hér má sjá umfjöllun um Ingibjörg Elvu á www.nw-news.de en það má einnig finna viðtal við hana á Karfan.is en það er hér.